تفاصيل اول يوم ذهاب للتقديم بالكليات العسكريه
** تفاصيل اول يوم ( سحب الملف )
-الاول هاتروح بلبس عادي خالص بس ممنوع البرموده والشبشب والصندل وتكون مظبط شعرك علي 3 او 2 وحالق دقنك ودي قاعده طول فترة الاختبارات
- معاك بطاقتك الشخصيه و 100 جنيه تمن الملف
- تكون هناك الساعه 7 هاتدخل من البوابه بتاع مكتب التنسيق بوابه 4 هاتتفتش وهايشوف بطاقتك ...
- هاتقعد تحت مظله هايقسمك ثانوي وصنايع ويديك كارت الطول والوزن
- هاينطلب منك تقوم وتجري لحد مكان هتلاقي فيه ميزان هاتسلم كارت الطول والوزن وتاخده بعد القياس
- هاتجري لمكان تاني وهاتقعد وهايقسمك بقي علمي وادبي وصنايع وهكذا -هتقعد لحد مالظابط اللي واقف يدخلك .
-هتلاقي نفسك ف طابور لحد ماييجي دورك ع الشباك
-هتوريه بطاقتك وتديه الفلوس هايسلمك اجلاسيه فيه الحاجه بتاعتك
-هتخرج لمكان هما هيودوك ليه منتظر دورك فى التصوير ..هاتتصور واحفظ رقم لجنه التصوير بتاعتك
-وبعدين هتجري لمكان عبارة عن قاعه ..هتاخد فيها محاضرة عن طريقه ملء الملف وشويه الحالات الخاصه زى المعادلات واللي والده بره واللي والده ومامته منفصلين وهكذا
-بعد المحاضرة .. هتخرج تقعد فى مكان لجنة التصوير بتاعتك .. هتاخد صورك وتتوكل علي الله تروح
وبكده انتهي اول يوم
*****متحاولش تحتك بأي ظاب
